Mançester Siti nuk ka shkuar më shumë se barazimi 2-2 ndaj Njukastëllit në transfertë, në ndeshjen e vlefshme për xhiron e 14 në Premier Ligë.
Sfida nisi me aksione nga të dyja ekipet, me miqtë që gjetën golin me Stërling në minutën e 22’, pas një ngatërrese në mbrojtjen kundërshtare. Avantazh ky i cili nuk zgjati shumë, pasi vetëm 3 minuta më vonë Uillems barazoi shifrat.
Me këtë rezultat u mbyll pjesa e parë, ndërsa e dyta nisi me Sitin në sulm të cilët kërkonin golin e avantazhit. Pikërisht ky gol erdhi në minutën e 82’, me Kevin De Brojne që me një predhë nga jashtë zone e dërgoi topin në rrjetë. Kur të gjithë mendonin se Siti po shkonte drejt fitores, erdhi edhe goli i barazimit.
Pasi ekzekutuan një skemë fantastike nga goditja e dënimit, Shelvei me një goditje të bukur nga jashtë zonës, e dërgoi në rrjetë topin. Pas kësaj ndeshje Siti renditet në vendin e dytë me 29 pikë, ndërsa Njukastëlli renditet në vendin e 12 me 16 pikë.
g.kosovari
