Rritet tensioni midis Shteteve të Bashkuara dhe Iranit, pas incidenteve në gjirin e Omanit, ku sipas dëshmitarëve janë sulmuar nga mjete luftarake, mina ose silurë, dy naftëmbajtëse norvegjeze dhe japoneze.
Reagimi i administratës amerikane ka qenë i menjëhershëm, përmes deklaratës së sekretarit të Shtetit Mike Pompeo, i cili akuzoi në mënyrë të drejtpërdrejtë Teheranin për sulmet.
“Vlerësimi i Shteteve të Bashkuara është se Republika Islamike e Iranit është përgjegjëse për sulmet”, deklaroi Pompeo, që vijoi duke thënë se “vlerësimi bazohet në të dhënat e shërbimeve sekrete, dhe nga armët e përdorura dhe nivelit të ekspertizës që nevojitet. Ky është vetëm i fundit i një serie sulmesh nga Irani kundër interesave amerikane”.
Sekretari i Shtetit i referohet ngjarjeve të muajit të fundit, ku 4 anije të tilla u sulmuan në Emiratet Arabe, ku edhe në atë rast u akuzua Irani dhe aleatët e tij.
Burimet iraniane ndërkohë mohojnë çdo përfshirje në aktin e rëndë, që për fat nuk shkaktoi viktima tek ekuipazhi i mjeteve gjigante.
Çmimet e naftës në tregun ndërkombëtar u ngritën deri në 4% pas lajmit të sulmeve.
Ushtria amerikane ka lëshuar një video të cilën ajo tregon tregon Gardën Revolucionare të Iranit duke hequr një minë të pashpërthyer nga ana e një çisterne nafte të dëmtuar në një sulm në Gjirin e Omanit të enjten.
Zyrtarët amerikanë gjithashtu ndanë një foto të tankistit japonez, e cila tregon minën e pashpërthyer përpara se të hiqej.
Një çisternë norvegjeze u dëmtua gjithashtu.
SHBA-të akuzuan Iranin se fshihet pas sulmeve të minave. Irani tha se “kundërshton kategorikisht” akuzat.
SHBA thanë se filmimi tregoi Gardën Revolucionare të Iranit “duke hequr një minë të pashpërthyer nga anija Kokike më shumë se tetë orë pas shpërthimeve.
g.kosovari