Italianët e karantinuar kanë gjetur një mënyrë se si të bëhen bashkë në këtë periudhë koronavirusi kur pjesa më e madhe janë izoluar në shtëpi.
Mbrëmjen e së premtes, ata nisën të këndonin himnin të gjithë së bashku ku disa kishin dalë në ballkon e të tjerë në dritare.
Ndërsa mesditën e sotme, shumë italianë nga Milano në Bari hapën dyert e dritaret për të duartrokitur në shenjë falenderimi për mjekët dhe infermierët që janë në vijën e parë të luftës kundër koronavirusit.
Në fotografitë nga e përditshmja italiane TgCom24, duket se njerëzit kanë të gdhendur një buzëqeshje plot shpresë në fytyrë.
Ata shpresojnë se kjo luftë me koronavirusin të marrë fund sa më shpejt, ndërkohë që po punohet fort që të gjendet kura.
Deri tani, numri i viktimave në Itali është 1.266, ndërsa i të infektuarve ka arritur shifrën 17.660.
