Një futbollist është kthyer në hero në një ndeshje futbolli në Çeki duke i shpëtuar jetën portierit kundërshtar.
Portieri Martin Berkovec, 28 vjeçar, doli që ta largojë një top në ndeshjen mes Bohemians 1905 dhe Slovacko, por që u godit keq nga shoku i ekipit, Daniel Krch.
Berkovec, që është i huazuar nga Slavia Prague, humbi vetëdijen pas rënies në tokë, ndërsa i ‘iku gjuha’, por për fat të tij aty qëlloi sulmuesi Francis Kone.
Momenti i përplasjes
Ai nuk priti futjen në terren të mjekëve, por reagoi vetën duke ia futur dorën në gojë dhe duke ia drejtuar gjuhën.
Berkovec pas rastit u dërgua në spital ku është duke marrë veten.
Reagimi i shpejtë i Kones
Ai shkroi një facebook një falënderim për lojtarin kundërshtarë: “Dua ta falënderoj Francis Kone për dhënien e ndihmës në ndeshjen e sotme… I jam mirënjohës dhe faleminderit përsëri!!!”.
Sipas Daily Mirror, trajneri i Slovackos, Mikal Kordula, ka vlerësuar lartë ndihmën e Kones, gjatë konferencës për shtyp pas ndeshjes.
“Unë e falënderoi Bohemians dhe Francisin për ndihmën. Duhet t’ia heq kapelën. Kështu duhet të sillen lojtarët ndaj njëri-tjetrit”.
Kur vetëm Kone kreu punën
Por kjo rezulton se nuk është hera e parë që Kone ka shpëtuar jetë.
Ai thotë se është hera e katërt në karrierën e tij që ia ka tërhequr gjuhën lojtarëve duke i shpëtuar nga mbytja.
Kone ka luajtur futboll në Tajlandë, Oman, Portugali, Hungari, Togo dhe Breg të Fildishtë.
Incidenti ishte gjëja me interesante që ka ndodhur gjatë ndeshjes, e cila përfundoi pa gola. /a.m.
