Analisti Baton Haxhiu, i ftuar në emisionin “Të Paekspozuarit” në MCN TV, bëri një krahasim mes qeverisjeve të Kurtit në Kosovë dhe Ramës në Shqipëri.
Haxhiu tha se Albin Kurti nuk ka ide dhe projekte, por i përdor paratë e taksave për t’ju dhënë qytetarëve “lëmoshë”, çka nuk sjell ndonjë zhvillim të vendit. Ndërsa për qeverinë e Ramës, tha se ka sjellë zhvillim të madh, duke bërë diferencë me Ballkanin, por evidentoi edhe korrupsionin e përhapur në vend.
“Kurti i përdor taksat e kosovarëve për lëmoshë, nuk ka ide, projekte. Ka shpenzuar për blerje energjie 1 miliardë, ka harxhuar 1 miliardë të tjera, ose 600-700 milionë, për lëmoshë, duke dhënë pensionistevë, studentëve, në vend të ndërtojë…
Këtu ka investim në shëndetësi, infrastrukturë. Problemi në Shqipëri është niveli i lartë i korrupsionit. Në Kosovë korrupsioni lidhet me 2-3 vetë, kryesisht në energji, projekte që kanë të bëjnë me energji, të dy ministra dhe një ambasador. Për kulturën e korrupsionit në qeveri, është më e përhapur, më e guximshme dhe qeverisja është e ngarkuar moralisht, se si të veprojë me këtë mungesë ndërgjegje dhe morale. Është e pamundur të mos ta prekë korrupsioni qeverinë. Por brenda këtij korrupsioni ka zhvillim, në krahasim me vendet e Ballkanit, zhvillimi në Shqipëri është serioze.
Por ka korrupsion serioz. Burimi është i mëhershëm, për shkak të varfërisë, tash ka mbetur si kulturë e komunikimit”, tha ndër të tjera Haxhiu.
