Një avion Lion Air Boeing 737 me 188 persona në bord është rrëzuar në det menjëherë pas largimit nga kryeqyteti indonezian, Xhakarta. Avioni ishte në një fluturim të planifikuar në Pangkal Pinang, qyteti kryesor në Ishujt Belkau të Bangka.
Ai humbi kontaktin me kontrollin e tokës disa minuta pas ngritjes, po shkaku i rrëzimit ende nuk dihet dhe nuk ka ende fjalë për asnjë të mbijetuar. Aeroplani ishte një Boeing 737 MAX 8, një lloj i ri avioni.
“Avioni u rrëzua në ujë rreth 30 deri në 40 metra thelle”, tha zëdhënësi i Agjencisë së Kërkimit dhe Shpëtimit Yusuf Latif për agjencinë e lajmeve AFP. “Ne jemi ende në kërkim të avionit”.
Artikujt që besohet se i përkasin pasagjerëve janë gjetur në ujë, duke përfshirë kartat e identitetit dhe patentat e shoferit, tha agjencia e kërkimit dhe shpëtimit në Twitter.
“Nuk e dimë ende nëse ka ndonjë të mbijetuar”, u tha gazetarëve kreu i agjencisë, Muhmmad Syaugi. “Ne shpresojmë, ne lutemi, por ne nuk mund të konfirmojmë.” /ma.me
