John Macris ka qenë një prej gangsterëve më të famshëm në Sidney. Sipas gazetës “Sydney Morning Herald”, Macris mund të jetë vrarë në një përleshje të ndezur midis grupeve mafioze në Greqi, ku bëjnë pjesë edhe shqiptarë. Kjo luftë bandash ka sjellë të paktën 6 vrasje në Greqi që nga nisja e këtij viti.
Macris ishte një nga figurat kryesore të botës së krimit në Sidney dhe ai do të varroset në një kishë ortodokse greke në Australi. Ai nuk ishte person me precedentë penalë në Greqi, por autoritetet përkatëse po hetojnë ën lidhje me vdekjen e tij.
Vrasja e tij mund edhe të ketë qenë e porositur. Këto lloj eliminimesh kryesisht ekzekutohen nga vrasës shqiptarë me pagesë që përdorin dy ose tre makina ose motoçikleta që të arratisen nga Greqia menjëherë pasi kanë kryer ekzekutimin. /ma.me
