Rastet me shpejtësi skëterrë në rrugët e Shqipërisë nuk janë të pakta. Një shofer ‘në delir’ është ndaluar mbrëmjen e kaluar në autostradën Tiranë-Durrës pasi ka rezultuar se udhëtonte me 186 km/h. Fillimisht makina një tip “Range Rover” është pikasur me shpejtësi sa dyfishi i asaj të lejuar nga një patrullë e policisë rrugore e cila më pas i ka kaluar të dhënat një tjetër patrulle që ka bërë edhe ndalimin e mjetit.
Shoferit të mjetit i është bërë edhe testi i alkoolit por ka rezultuar zero. Videoja është publikuar nga policia e Shtetit që ju tërheq vëmendjen drejtuesve të zbatojnë rregullat e qarkullimit rrugor. Drejtuesit të mjetit “Range Rover” i është tërhequr leja e drejtimit dhe është dërguar në OASH. /ma.me
