Njëri nga tanket e pakta të mbetura të ISIS-it është hedhur në erë nga raketat e aeroplanëve ushtarakë të Forcat Ajrore Mbretërore të Britanisë së Madhe. Të dëshpëruar për ta mbajtur nën kontroll Mosulin, bastionin e fundit që ky grup terrorist ka në Irak, terroristët nuk janë duke hequr dorë pa luftuar. Por, forcat e qeverisë irakiane dhe forcat e Peshmergas kurde janë afër që ta mposhtin ISIS-in në Mosul, me ndihmën e aeroplanëve luftarakë britanikë nga ajri. Një video e publikuar nga ministria e Mbrojtjes e Britanisë shfaq momentin kur aeroplanët e saj ushtarakë e bombardojnë tankun e ISIS-it. Më poshtë mund ta shihni videon. /ma.me
