VIDEO/ Flet miku i Berishës që grushtoi Kreshnik Spahiun: E qëllova sepse më ofendoi

Flamur Pirraci, personi që qëlloi me grusht kryetarin e Aleancës Kuq e Zi, Kreshnik Spahiu, i pyetur se përse e qëlloi Spahiun, ka thënë se e kreu i AK e kishte ofenduar. Ka qenë ky motivi, sipas tij, që e ka qëlluar Spahiun. Ky i fundit nga ana tjetër, thotë se kanë qenë tre persona që e kanë kërcënuar dhe më pas e kanë goditur. Spahiu thotë se “më kërcënuan me vrasje për të mos sharë Edi Ramën”.

Në fakt duket pa sens që një militant i PD-së, të rrahë Spahiun, pse shan Ramën. Kjo, duke qenë se Pirraci prej ditësh qendron tek çadra e PD-së, për të mbështetur protestën e opozitës kundër Ramës. Ai është militant i PD-së dhe këtë gjë e tregojnë fotot që ka në FB, ku shfaqet krah Sali Berishës.

Profil/ Kush është militanti
i PD që goditi Spahiun

Makina luksoze, cigare puro, veshje të shtrenjta, tatuazhe të shumta në trup dhe më flokë të gjatë, është ky profili i Flamur Pirraçit, personi që qëlloi me grusht në protestën e PD Kreshnik Spahiun. 34- vjeçari është identifikuar si mbështetës i Partisë Demokratike, madje ai ka një foto në Facebook së bashku me ish- kreun e Partisë Demokratike Sali Berisha.

Pirraçi ka qenë pjesë e protestës që po zhvillohet përballë Kryeministrisë. Ai është arrestuar mbrëmjen e sotme nga policia pasi goditi me grusht kreun e AAK Kreshnik Spahiun. Sipas këtij të fundit Pirraçi e ka goditur atë sepse po fliste keq për kryeministrin.