Carlo Ancelotti duket se ka gjetur ilaçin e duhur për të ringjallur Evertonin. Ekipi nga Merseyside ka arritur të marrë fitoren e dytë radhazi me në krye trajnerin italian, duke triumfuar në transfertën ndaj Neëcastle me shifrat 1-2.
Heroi i takimit ishte Calvert-Leëin, i cili shënoi të dy golat për ekipin e tij, duke bërë të pavlefshëm barazimin e përkohshëm nga Schar. Fitorja e dytë kjo për Ancelottin në harkun e tre ditëve, duke e katapultuar Evertonin në vendin e dhjetë në kuotën e 25 pikëve.
Në dy ndeshjet e tjera të orës 16:00 spikati fitorja e Watford ndaj Aston Villës me shifrat 3-0, me Troy Deeney që frymëzon të tijtë me një dygolësh, ndërsa Ismaila Sarr shënon golin e tretë për të mbyllur gjithçka, me ekipin e Pearson që ngjitet në kuotën e 16 pikëve tashmë.
Sfida tjetër mes Southampton dhe Crystal Palace u mbyll në paqe 1-1, ku goli i Tomkins në minutën e 50-të, u barazua nga i zakonshmi Ings në minutën e 74-të.
g.kosovari
