VIDEO/ Film për diktatorin Hoxha, si i rrëmbeu yjet e Hollivudit
Një diktator shqiptar që rrëmben yjet e Hollivudit. Është ky skenari i një filmi hollivudian të viteve ’70, që nuk u publikua kurrë. Nuk dihen arsyet përse ky film nuk është shfaqur më parë, por ai është shfaqur këto ditë në formën e një arkivi.
Filmi i titulluar “The Phynx” është një film i zhanrit rock-komedi, i realizuar nga studioja filmike Warner Brothers në vitin 1970. Ai ka të bëjë me një diktator shqiptar sipas skenarit – por mund të aludohet për të vetmin diktator, Enver Hoxha – i cili rrëmben yjet amerikane si Pat O’Brien, Colonel Sanders, Xavier Cugat, Dorothy Lamour, Butterfly McQueen dhe Ruby Keeler. Përveç yjeve, diktatori shqiptar vjedh edhe një kompjuter të CIA-s të quajtur “Motha” që krijon një bend të rock-ut të quajtur “The Phynx”.
Ky grup bëhet i famshëm dhe ftohet që të performojë në Shqipëri për të shpëtuar yjet e rrëmbyer. Këngët që këndon ky grup janë “What’s Your Sign?” dhe “Nearly Blew My Mind”. Këto këngë u realizuan nga të famshmit Jerry Leiber dhe Mike Stoler. Në videon që gjeni këtu, shihni pjesë nga filmi ku xhirimet tregojnë edhe pjesë të qyteteve shqiptare.
