Ligji është i barabartë për të gjithë dhe këtë mesazh synon të përcjellë qeveria shqiptare. “Preja” e fundit e shkeljes së ligjit është bërë eskorta e Ministres së Mbrojtjes Mimi Kodheli e cila ka kaluar me semafor të kuq.
Menjëherë pas kësaj shkelje, një qytetar ka denoncuar ngjarjen në Facebook-un e Ministrit të Brendshëm Saimir Tahiri duke i dërguar videon në fjalë. Kaq ka mjaftuar që Ministri Tahiri të urdhërojë nisjen e hetimeve ndërsa dy shoferët janë gjobitur për shkeljen e rregullave të qarkullimit.
“Nje qytetar solli kete video. Dua ta falenderoj duke nxitur cdo qytetar te ndaje me ne cdo informacion. Kjo eshte e vetmja menyre per te ndertuar shtetin ligjor dhe barazine para ligjit, pa asnje dallim. Ne rastin konkret, Policia Rrugore ka gjobitur te dy drejtuesit e mjeteve sipas ligjit.” shkruan Tahiri në Facebook
Në video duken qartë makinat me targë, TR 0147 Z si edhe Policia 07 FA, të cilat kalojnë në kryqëzim me semafor të kuq. Pas denoncimit dhe publikimit të videos ministri Tahiri ka urdhëruar komisariatin e policisë rrugore për evidentimin e shkeljes. Ndërsa pas hetimit administrativ policia rrugore ka vendosur të penalizojë të dy drejtuesit e automjeteve, me inicialet B.T. dhe N.XH. me nga 30 mijë lekë gjobë, si edhe ulje të pikëve në patentë, sipas nenit 144 të kodit rrugor.
https://www.youtube.com/watch?v=ElZpGx3eOXc
Redaksia Online
(JavaNews.al)
