Një ëndërr e bërë realitet është për kuzhinierin e njohur shqiptar, Fundim Gjepali, fitues i disa çmimeve ndërkombëtare, ngritja e agroturizmit të tij në Shijak, i cili i ka dhënë hov turizmit të brendshëm dhe të huaj dhe ka nxitur zhvillimin dhe punësimin e gjithë zonës.
“Shkon nga shkon tek toka jote rikthehesh”, shprehet Gjepali për rubrikën “Njerëz të panjohur” në ERTV.
“Unë kam kaluar një fëmijëri shumë të lumtur në një parajsë të vogël të Shqipërisë së Mesme, kam qenë shumë ambicioz që i vogël mendoja në nivel global, nuk mendoja asnjëherë të kisha diçka të vogël. Asnjëherë nuk mendoj që jam realizuar krejtësisht. Kur isha emigrant në Itali në fillimet e mia shikoja përreth fshatrave të Romës kishte shtëpi të kthyera në agroturizëm me një volum punë shumë të madh dhe thoja si ka mundësi që ne nuk mund ta realizojmë në fshatrat tanë diçka të tillë dhe kisha gjithmonë këtë ëndërr që më ndiqte, do e bëj, do e bëj”, nënvizon Gjepali.
Ai shprehet se është i lumtur. “Kam një lokal nga më të suksesshmit në Romë, po ashtu në Tiranë, për mua karriera mund të mbyllej. Por kisha një brengë që këtu të realizoja atë që na mungonte”, thotë ai.
Ky agroturizëm, vijon Gjepali, nuk është realizuar vetëm për fshatin tim, por të paktën për gjithë Shqipërinë e Mesme.
“Është një realitet i bërë më kriter. Të gjitha produktet janë në 10 km katrorë. Unë besoj se çdo njeri duhet të ketë iniciativa, edhe nëse janë falimentuese, nuk duhet të kesh pishman asgjë. Unë deri tani s’kam pishmane”, thekson ai duke shtuar se me kursimet që kam bërë 20 e ca vite vendosa të realizoj një ëndërr.
Kuzhinier Gjepali thotë se “duke shikuar që Shqipëria është në një moment historik për të realizuar diçka në turizëm, dhe u bërë edhe unë pjesë e kësaj ëndrre. Në këtë zonë mund të realizohet një kuzhinë fantastike duke shfrytëzuar territorin, mikroklimën, e deri në biodiveristetin që e rrethon këtë zonë”.
“Jemi në luginën Erzen, ëshët afër Durrësit vetëm 12 km , 30 km nga qendra e Tiranës, 2.5 km nga qyteti i Shijakut, për 10 minuta vjen në agroturizëm dhe thashë pse mos të realizohet një gjë e tillë jo komerciale në kontakt me fshatin , me bujqit, me vreshtat, që edh ete rinjtë të kthehen , e të mos lihet gjithçka si në mesjetë. Tashmë në zonë kemi kaluar nga një realitet në tjetrin, nga sallat e dasmave në agroturizëm duke i dhënë punë një pjese dërrmuese të fshatit”, nënvizon ai.
Gjepali tregon edhe për minikantinën me produktet shqiptare. “Këtu 80 % e verërave janë shqiptare dhe mbi të gjitha të zonës, të territorit tonë dhe kemi një përqindje të vogël të verërave nga Italia”, shton ai.
Duke folur për kuzhinën, ai e cilëson atë pjesën ku realizohen ëndrrat.
“Në fund fare një turizëm të mirë, unë gjithmonë e them , po nuk hëngre mirë nuk kthehesh. Unë kam besuar gjithmonë tek të rinjtë, tek formimi i tyre shqip ka plot talente thjesht duhet tu japësh mundësi. Emiliani, është një djalë i ri nga Shijaku ka qenë i formuar dhe e ka marrë me shumë pasion. Këtë investim e kam bërë me mbështetjen e bashkëshortes ka ndikuar me pozitivitet sepse besonte tek kjo gjë, por edhe vajzat e mis, kur e projektonim këtë gjë, harqet gjerat që me sugjeronin , sepse vajzat e mia vizatojnë shumë bukur”, shprehet Gjepali.
Ndërsa bashkëshortja e tij, thekson se “nuk është e lehtë kam besuar dhe e mbështetjes iniciativat e Fundimit sepse gjithmonë ka pasur sukses. Vajzat janë të lumtura e entuziaste”.
Një nga personat që ka besuar tek unë është babai im, thotë me lot në sy Gjepali, teksa shton se “më bëhet qejfi që me atë në jetë është realizuar diçka tek pronat e tij”.
Agroturizmi është i përbëre nga 800 m2, ndërtim dhe afro 6 ha toka përreth. Aty ndodhen 8 dhoma me standarde bashkëkohore, me një arkitekturë minimaliste.
“Për 2 muaj e gjysëm që jemi hapur kemi pritur mysafirë nga e gjithë Europa”, thotë Gjepali.
/a.r
