Dy shqiptarë, një burrë dhe një grua janë ndaluar në portin e Barit dhe pas kontrollit i janë gjetur 5 kg heroinë. Të arrestuar janë Fatos Tahiri 35-vjeç dhe Brunilda Meco. Sasia e heroinës ishte fshehur në gomat e makinës tip “Saab” që ishte nisur nga porti i Durrësit drejt portit të Barit në Itali. Guardia di Finanza vendosi që të kontrollonte makinën, pasi pikasi disa shenja të dyshimta mbi rrotat e makinës.
Pas çmontimit u zbulua droga e llojit heroinë, e cila nuk ishte e paketuar, por e shpërndarë. Operacioni është bërë të dielën në mëngjes, por detajet janë publikuar vetëm sot nga Guardia di Finanza për arsye hetimore.
Policia e Barit thotë se kjo është sasia më e madhe e heroinës kapur në këtë port gjatë vitit të fundit. Sipas të dhënave që vinë nga policia italiane dyshohet se çifti shqiptar nga Fierit që po transportonte heroinën luante rrolin e korrierit. Autoritetet italiane vijojnë hetimet për të zbardhur rrjetin e trafikut të heroinës nga Shqipëria në drejtim të Italisë.
