Nuk dihet shkaku që ka çuar në përdorimin e dhunës së këtyre të rinjve ndaj djalit, por duket se gjithçka ka qenë e planifikuar. Fillimisht flet njëra nga vajzat, e cila shprehet se quhet Megi, ndërsa më pas të dyja fillojnë t’i gjuajnë me shqelma. Menjëherë vajzave iu bashkohen edhe dy djemtë dhe më pas afrohet edhe një vajzë, e cila e godet djalin me një shkop.
E gjithë skena e dhunës është filmuar nga një tjetër person, ndërsa pas grushteve e shqelmave shihet personi i dhunuar që arrin të largohet me vrap, shkruan JOQ. Ajo që të habit është mënyra se si vajzat dhunojnë djalin, një sjellje që jemi mësuar ta shohim tek gjinia mashkullore dhe që të bën përshtypje kur sheh që tashmë femrat dhe meshkujt nuk kanë asnjë dallim nga sjelljet, fatkeqësisht të rëndomta. Një dhunë që nuk mund të justifikohet para asnjë lloj arsyeje, por shpresojmë që policia të marrë masa dhe raste të tilla të mos përsëriten.
