Në Shqipëri nuk kanë qenë të pakta rastet kur njerëzit ushtrojnë dhunë barbare edhe ndaj kafshëve, madje deri sa i vrasin. Kështu pas rastit të masakrimit të qenit në Kuçovë dhe gomarit në Peqin, një tjetër rast i rëndë vjen nga Korça.
JOQ ka publikuar një video ku shihet se si një banor në Korçë godet me shkop qenin, të cilin e mban të lidhur, vetëm se ky i fundit kishte ngrënë një pulë.
“Përshëndetje JOQ! E mbyti qenin vetëm se i hëngri një pulë. I zoti e mbyti duke e qëlluar me një shkop.”, thotë një dëshmitar që ka realizuar dhe videon.
Në video duket qeni i lidhur që goditet derisa bie përtokë dhe nuk i dëgjohet më e lehura. Pamjet e tilla ndonëse shumë të rënda, shpërbejnë për t’u sensibilizuar me thirrjen ‘mos i vrisni kafshët’./a.m.
