Një polic është sulmuar në mënyrën brutale teksa po tentonte të arrestonte një adoleshent brenda një qendre tregtare.
Një ditë pas festës së Krishtlindjes, një burrë është filmuar nga kamerat e sigurisë duke shkelmuar në kokë një polic, i cili ishte gjunjëzuar për ta arrestuar një adoleshent.
Ai e goditi në kokë dhe menjëherë u largua nga vendi i ngjarjes sikur të mos kishte ndodhur asgjë e keqe, ndërsa si rezultat i këtij sulmi zyrtari policor ka pësuar lëndime trupore.
Ngjarja e tmerrshme ka ndodhur në një qendër tregtare në Melbourne të Australisë, ndërsa zyrtari policor që është sulmuar ka deklaruar për mediat lokale, se është i lumtur që ka shpëtuar me disa lëndime sipërfaqësore.
Policia ka bërë të ditur se ende nuk kanë informacione, nëse 16-vjeçari i arrestuar dhe sulmuesi i policit kishin ndonjë lidhje.
Ndërkaq pamjet janë publikuar më kërkesën e policisë, duke shpresuar se qytetarët do t’i ndihmojnë në identifikimin e sulmuesit. /a.m.
