Videoja e ish-ministrit Dritan Prifti, foto prej së cilës u publikuan dje nga adresa të ndryshme në internet, është mbi 30 minuta e gjatë.
Kamera e fshehur inkuadron gjatë gjithë kohës një shtrat ku fillimisht shfaqet një vajzë e shtrirë gjysëm e zhveshur dhe pas disa minutash shfaqet ish-ministri.
Data e regjistrimit është e fshirë, por duke gjykuar nga veshjet e dy protagonistëve ajo është xhiruar në muaj të ftohtë.
Përgjatë videos dëgjohet vazhdimisht një tik-tak ore çka lë të kuptohet që kamera e fshehur është vendosur në një orë tavoline ose muri.
Në pjesën e parë të videos konsumohet një raport intim mes ish-ministrit dhe vajzës, një ish-drejtuese e dikaterit që ka drejtuar z.Prifti.
Në pjesën e dytë vajza rishfaqet e veshur duke hapur dhe kundruar dokumente nga një dosje e lëshuar mbi shtrat.
Disa prej dokumentave firmosen nga ish-ministri, disa të tjera grisen.
Pas përhapjes së lajmit që videoja ka nisur të qarkullojë në rrjet, ish-ministri Prifti deklaroi dje se me këtë video i kanë bërë shantazh për 5 vjet me radhë.
Ai akuzoi kreun e Kuvendit Meta që e ka përgjuar në jetën private.
Është e paqartë nëse videoja është xhiruar nga vetë Prifti apo nga të tjerë.
Pas publikimit të videos së famshme Prifti-Meta, pati akuza se ajo kishte pjesë të hequra.
Asokohe ish-ministrit iu kërkua nga Prokuroria të dorëzonte videon origjinale me Metën dhe ai dorëzoi një laptop personal.
Aty u gjetën nga hetuesit disa video të tjera të fshira por që u rikuperuan nga memoria e laptopit.
Nuk dihet nëse kjo video është pjesë e këtyre videove të regjistuara nga vetë ish-ministri, apo ajo është regjistruar siç thotë Prifti nga persona që e përndoqën më pas.
Prifti u tërhoq nga skena politike për një kohë të gjatë.
Por kohët e fundit emri i tij ka dalë bashkë me atë të deputetit Doshi gjatë hetimeve dhe replikave publike mbi rastet Bami dhe së fundmi CEZ-DIA./Dita/
