Videoja ku shihet Papa Françesku duke e tërhequr vazhdimisht dorën e tij kur njerëzit ia puthnin atë është bërë virale në internet, duke u bërë pjesë e luftës kulturore katolike mes konservatorëve dhe progresistëve.
Një faqe konservatore katolike, e cila shpesh e kritikon Papën, ka thënë se këto pamje janë shqetësuese. Ky qëndrim është paraqitur përmes një artikulli ku shkruhej për historinë e gjatë të unazave që i përdor Papa dhe për rëndësinë e tyre.
Disa vëzhgues të Vatikanit kanë thënë se as paraardhësve të Papa Françeskut, përfshirë Papa Benediktin dhe Papa Gjon Palin e Dytë, nuk iu ka pëlqyer shumë kur njerëzit ua kanë puthur dorën.
Vatikani nuk ka dhënë sqarime pse Papa Françesku ka qenë aq i vendosur që të mos i puthet unaza që e kishte në gisht. “Nganjëherë i pëlqen, nganjëherë jo. Është kaq e thjeshtë”, tha një ndihmës i tij në kushte anonimiteti. Ai tha se ishte i mahnitur nga reagimet e shumta për këtë rast, shkruan “The Guardian”.
/a.meta
