Publikohet videoja e dëshmisë së dhënë në gjyq nga vajza e cila zhvati përmes facebook-ut drejtorin e postës së Manzës.
“Panorama” siguron edhe videon nga momentet e dëshmisë së Enertila Beqajt sot në gjykatë, ku u vendos masa e arrestit me burg për të.
Në këtë video, mund të ndiqni dëshminë e 27-vjeçares nga kafazi i hekurt ku ndër të tjera tha edhe se dyshonte se ishte shtatzënë, ishte e fejuar me një person në Itali, edhe pse ky i fundit nuk i kishte kërkuar dorën.
“Në FB kam emrin Enertila Beqja dhe si foto kam një timen me mamin. Unë se njoh Barushin, ç’punë kam me të. Bën punë si postier, sjell pensionin e mamit në shtëpi (kempin) ose shkojmë e marrim ne në Manzë. Në muajin qershor jemi zënë me Barushin se më ka mbajtur një mujua nga kampi i mamit, vajta dhe u ankova për të në postë dhe polici. Unë skam punë me Barushin. Unë jam e fejuar me Abano Stafën, jeton në Milano. Se kemi bërë fejesën, por jam e zënë me të. S’më ka kërkuar akoma. Unë mendoja se isha shtatzënë, se më kishte dalë pozitiv testi i shtatzënësie. Unë kam faturat që kam blerë të gjitha mallrat vet. S’kam fare pjesë më këtë punë. Kërkoj edhe mëshirë edhe pafajësi. Kam mamanë e sëmurë dhe ajo nuk jeton dot pa mua”, pohoi ajo.
Vajza që mashtroi drejtorin: Mobiljet i blemë me kempin e mamit…Policia gjen në shtëpi edhe pistë vrapimi
Zbardhet dëshmia e Enertila Beqajt në gjyq, në seancën e sotme ku trupa gjykuese vendosi arrest me burg.
Sipas gazetarit të “Panorama”, Leonidha Musaj, ajo është shprehur duke mohuar çdo lidhje me drejtorin e Postës i cili e ka denoncuar për mashtrim, madje se të gjitha sendet në shtëpi, i kanë blerë vetë, me kempin e të ëmës.
“Barushi s’më ka blerë mobilje shtëpie, i kemi blerë me shpenzimet tona, me kempin e mamit”, tha ajo.
Sipas burimeve, policia ndër sendet e tjera të sekuestruara ka gjetur në shtëpinë Beqja tre TV plazëm, madje edhe një pistë vrapimi.
Policia e Durrësit bllokoi dje të gjitha veshmbathjet e vajzës në banesën e saj në Manzë, bizhuteritë (varse, ora, vëth), si dhe disa mobilie shtëpiake e pajisje elektronike, të cilat pretendohen se janë blerë nga i dashuri i saj virtual.
Specialistët e Seksionit Kundër Krimit Ekonomik dhe Financiar në Drejtorinë Vendore të Policisë Durrës pritet të bëjnë një preventiv të sendeve, shtëpisë së vajzës, veshmbathjeve, si dhe bizhuterive, të cilat pretendohen të jenë dhuruar nga 30-vjeçari./Panorama/a.m.
