Durrësi është ‘paralizuar’ nga moti i keq. Reshjet e dendura të shiut që kanë nisur gjatë natës dhe vijuar edhe përgjatë ditës së sotme ka bërë që qyteti të përballet me një situatë shqetësuese. Rrugët janë kthyer në lumenj, ndërsa banesat të shumta janë përmbytur.
Ndërkohë burime nga shtabi Emergjencave Civile Durrës thonë se Konvaleshenca e Ministrisë së Rendit nuk ka më vende për të përballuar evakuimet dhe pritet qe te hap dyert edhe konvaleshenca e ministrisë së Mbrojtjes.
Pritet urdhri i ministrit Pirro Vengu për të nisur evakuimet drejt Konvaleshencës së Ministrisë së Mbrojtjes.
