Zona e Trajtimit të mbetjeve në Tiranë u vizitua nga përfaqësues të Agjencisë Shtetërore për Menaxhimin e Mbetjeve në Kosove, e cila menaxhon te gjithe infrastrukturën e mbetjeve në shtetin fqinj. Duke qenë se Kosova do të nisë së shpejti investimet në infrastrukturën e menaxhimit të mbetjeve, kjo vizitë kishte si qëllim, inspektimin nga afër të projektit më të madh të menaxhimit të mbetjeve në Shqipëri, që po zbatohet nga shoqëria konçensionare “Integrated Energy”.
Me heret ky grup kishte vizituar edhe lendfillet e Malit te Zi dhe Maqedonisë së Veriut. Pas vizitës në impiant ekspertët nga Kosova theksuan se Zona e Menaxhimit të Mbetjeve në Tiranë është modeli me i mirë për tu ndjekur dhe për tu zbatuar edhe në Kosovë.
Abdullah Haxhiu, Drejtori Ekzekutiv i Agjencisë Shtetërore për Menaxhimin e Mbetjeve në Kosovë, i cili kishte vizituar dhe para 4 viteve vend depozitmin e Sharrës, përpara se shoqëria konçensionare “Integrated Energy” të operonte, tha se ndryshimi është i madh dhe se ky investim është i duhuri nga shteti Shqiptar. “Une kam qenë para 4 viteve dhe atëherë kam parë një depozitim jo të mirë një gjendje e rëndë për mjedisin komunitetin dhe stafin që punonte. Unë me thënë të drejtën edhe pse s’jam banor këtu, pash dicka për të cilën ndidem mire. Është dicka shumë e mirë që është vendosur nga shteti shqiptar i cili nis me investimet në pjesën e mbetjeve”
Ndërsa për Përgjegjësin Teknik për Infrastrukturën e Mbetjeve në Kosovë, Inxhinier Edmond Halimi, kjo teknologji bashkëkohore si ajo e përdorur në qelizat punuese apo në kapsulim, duhet të jetë referencë edhe në Kosovë. “Kam ardhur të shikoj punën, të shikoj standartet është bërë një investim i jashtëzakonshëm.Është hera e parë që marr pjesë në këtë vizitë dhe duke marrë parasysh që të njëjtën punë bëj në Kosovë këtu është bërë dicka e jashtëzakonshmë. Shpresoj që këto përvoja pasi jemi më mbrapa se ju, ti shkëmbejmë dhe në Kosovë”.
Perfaqesuesit e Agjencisë Shtetërore për Menaxhimin e Mbetjeve në Kosovë kërkuan që ky shkëmbim eksperiencash me “Integrated Energy” të vijojë edhe në të ardhmen.
