Banda australiane “5 Seconds of Summer”, është detyruar ta ndërpresë koncertin në “Wembley Arena” të Londrës, pasi një anëtar i grupit u dogj në skenë.
Në videon e publikuar nga mediat britanike, duket momenti ku kitaristi Michael Clifford teksa tenton të bëjë spektakël para të pranishmëve preket nga flaka e disa efekteve piroteknike në skenë.
Ngjarja ndodhi ditën e shtunë, dhe pavarësisht peshqirit që vë në kokë Clifford pësoi djegie të lehta në fytyrë dhe një pjesë e mirë e flokëve të tij u shkrumbuan.
19-vjeçari është dërguar menjëherë në spital dhe ka marrë mjekimin e duhur.
Kitaristi postoi në “Twitter” një foto me fytyrën e fashuar duke e shoqëruar me mesazhin: “Fytyra është shumë mirë. Ju falënderoj të gjithëve për mbështetjen që më dhatë. Gjithashtu ju kërkoj ndjesë që shfaqja u mbyll para kohe”.
https://www.youtube.com/watch?v=IWTXL37iVZk
