Mbrëmjen e sotme është përfshirë nga flakët duke u djegur makina e shefit të policisë në paraburgimin e Bradasheshit, Krenar Kasi. Makina tip ‘Benz ML’ me targë AA 131 IX, që ka qenë e parkuar 100 metra nga drejtoria e policisë së Elbasanit, pranë ish-gjykatës kur u dogj.
Report Tv, raporton se nga të dhënat e para dyshohet se djegia e makinës është e qëllimshme dhe ka lidhje me detyrën e Kasit, edhe pse nuk ka pasur probleme apo konflikte.
Krenar Kasi disa vite më parë ka qenë shefi i sektorit të narkotikëve në drejtorinë e policisë së Elbasanit, më pas shef i policisë në burgun e Peqinit dhe së fundmi, shef i policisë në paraburgimin e Bradasheshit në Elbasan.
Ende nuk dihen detaje nga ngjarja e ndodhur, ndërkohë pólícia ka mbërritur në vendngjarje dhe ka nisur punën për zbardhjen e rastit.
g.kosovari
