Këngëtari i njohur shqiptar nga Maqedonia, Shkodran Tolaj, ka rënë pre e dhunës brutale. Bashkëshorti i sopranos së njohur, Besiana Mehmeti, është rrahur në mënyrë brutale, një ditë më parë. Mediat e vendit fqinj raportojnë se këngëtari shqiptar është sulmuar nga persona ende të paidentifikuar.
Mësohet se ai është sulmuar për arsye të videoklipit, të cilin e ka paralajmëruar gjatë fushatës zgjedhore për në Kërçovë. Ndërkohë, pas dhunës këngëtari shqiptar ka përfunduar në spital. Këtë e ka bërë të ditur dhe vetë këngëtari Tolaj, përmes një videoje në rrjetet sociale, ku tregon disa detaje mbi ngjarjen.
