CNA ka siguruar një video të tensioneve të zhvilluara këtë të mërkurë në Kuvend, ku opozita bllokoi mbledhjen e Konferencës së Kryetarëve dhe Komisionin e Ekonomisë.
Deputeti Gazment Bardhi tentoi të hapë derën e sallës së mbledhjeve të grupeve parlamentare.
CNA mëson se gjatë kohës që Bardhi shtynte derën, brenda salllës ka pasur një aktivitet nga administrata e Kuvendit me OSBE-në.
Në videon ekskluzive, të filmuar nga brenda sallës së Kuvendit, shihet momenti kur Bardhi qëllon me forcë dhe hap derën.
Kujtojmë se opozita pati disa përplasje në Kuvend dhe bllokoi sallat që të mos lejonte zhvillimin e mbledhjes. Gjithashtu, ata tentuan të hyjnë edhe në zyrën e kryeparlamentares Lindita Nikolla.
Konferenca e Kryetarëve u mbajt me ndërhyrjen e Gardës së Republikës, ndërsa mbledhja e Komisionit të Ekonomisë u zhvillua online.
