Një person ka humbur jetën pasi u përfshi në aksidentin tragjik të ndodhur në vendin e quajtur “Kryqëzimi i Balldrenit”, në aksin Lezhë-Shkodër.
Viktimë ka mbetur shtetasi Zef Stena, 61 vjeç, nga Torovica e Lezhës, që ishte duke ecur me motor.
Ky i fundit u përplas me një makinë e cila drejtohej nga M.SH, i cili më pas është shoqëruar në polici për sqarime.
Grupi hetimor vazhdon veprimet në vendngjarje për sqarimin e rrethanave të aksidentit.
Njoftimi i plotë i policisë:
Lezhë/Informacion paraprak
Në aksin rrugor Lezhë-Shkodër, tek vendi i quajtur “Kryqëzimi i Balldrenit”, mjeti me drejtues shtetasin M.Sh., është përplasur me motoçikletën me drejtues shtetasin Z.S., 61 vjeç,banues në Torovicë, Lezhë, i cili për pasojë ka humbur jetën.
Drejtuesi i mjetit M.Sh.,është shoqeruar në ambjentet e Komisariatit të Policisë Lezhë për veprime të mëtejshme
Grupi hetimor vazhdon veprimet në vendngjarje për sqarimin e rrethanave të aksidentit.
g.kosovari
