Pas lajmeve të dhëna në media se deputeti socialist është ndaluar nga policia në Beograd se ka bërë foto me simbolin e Shqiponjës para parlamentit serb, ka reaguar vetë deputeti Pjerin Ndreu.
Në një postim në rrjetin social ai thotë që nuk ka pasur asnjë ndalim, dhe nuk ka bërë asnjë foto, por ka qëndruar në makinë.
Kanë qënë miqtë e tij ata që kanë bërë foto para parlamentit serb dhe ai e ka marrë vesh kur janë kthyer në makinë dhe e kanë sqaruar se çfarë ka ndodhur.
Ndreu thotë se as ai dhe as miqtë e tij nuk janë ndaluar.
Postimi i deputetit Ndreu:
NJE SQARIM PER KAZANIN MEDIATIK:
Ne lidhje me nje lajm te dhene per ndalimin tim ne Serbi ju sqaroj se eshte lajm i tjetersuar sic ka zakon media e famshme e jona.
Dy miqte te mi kane dale per foto para parlamentit dhe kane bere shqiponjen. Une kam qendruar ne makine dhe nuk kam zbrite fare.
Dhe as nuk kam pase dije i ca ndodhte. Kam pare levizje te ca gazetareve dhe te sigurise se parlamentit.
Me treguan se ca ndodhi. Jemi sqaru aty, pa asnje incident dhe kemi vazhdu rrugen.
Nuk eshte ndalu askush, jo me une !
Eshte e turpshme te shkruhet se deputeti Pjerin Ndreu eshte ndalu apo ka bere shqiponjen tek parlamenti.
Nuk e kuptoj paciperine e interpretimeve mediatike shqiptare !
Nje pyetje kam, a ju vjen turp kur ja mbysni kot ?!
