Liverpool ka marrë një fitore me vuajtje ndaj Crystal Palace në Selhurst Park duke ruajtur avantazhin ndaj konkurrentëve në renditjen e Premier League. The Reds ishin pa Mohamed Salah pasditen e sotme teksa në vend të tij ka luajtur Oxlade-Chamberlain.
Pas një pjese të parë të dobët të miqve, të cilët megjithëse kontrolluan ndeshjen nuk arritën të krijonin mundësi shënimi, Mane ka kaluar ekipin e tij në avantazh pak minuta pas pushimit. Zaha barazon për vendasit në minutën e 82’, por Liverpool i minutave të fundit ka goditur përsëri kur Firmino riktheu avantazhin për kryesuesit e kampionatit. Skuadra e Klopp ka 37 pikë, tetë më tepër se Leicester i vendit të dytë që gjithashtu fitoi ndeshjen e tij.
Skuadra e Rodgers ka triumfuar 2-0 ndaj Brighton jashtu fushe duke vazhduar aty ku e la përpara ndeshjeve ndërkombëtare. Golat e Perez dhe Vardy në pjesën e dytë u kanë dhënë tri pikët Dhelprave të papërmbajtshëm.
Arsenali shpëtuar nga humbja në sekondat e fundit të takimit teksa dy golat e Lacazette ka shpëtuar Topçinjtë nga humbja. Një tjetër paraqitje për t’u harruar nga Arsenal, që edhe njëherë tjetër do të kalojnë një javë të trazuar.
Bournemouth është mposhtur 2-1 nga Wolves në shtëpi duke regjistruar humbjen e dytë radhazi në kampionat, ndërsa skuadra e Santos ngjitet në vend të pestë. Evertoni ka pësuar një tjetër humbje, këtë herë 2-0 nga Norwich. Dridhet stoli i Silva-s. Ndërkohë edhe Watford është mposhtur në shtëpi me rezultatin e pastër 3-0 nga Burnley.
NDërsa Jose Mourinho e nis në mënyrë perfekte aventurën e tij në stolin e Tottenham, me këta të fundit që triumfojnë në derbin ndaj Ëest Ham me shifrat 2-3.
Fraksioni i dytë nisi në mënyrë perfekte përsëri për të besuarit e Mourinhos, teksa Harry Kane shënoi golin e tretë. U mendua se gjithçka u mbyll, por vendasit u zgjuan në minutën e 75-të, ku shënuan me anë të Antonios.
Në minutën e 97-të pati vend edhe për një gol të Ogbonas, me sfidën që u mbyll me shifrat 2-3. Triumf në debutim për Mourinhon, me Tottenhamin e tij që ngjitet në vendin e gjashtë në kuotën e 17 pikëve.
g.kosovari
