Pas tre ditësh në pushtetin e flakëve, ministria e Mbrojtjes ka vendosur që të ndërhyjë nga ajri për të shuar zjarrin në pyllin me pisha ndërmjet Patosit, Mallakastrës dhe Roskovecit.
Helikopteri Cougar i Forcës ajrore nisi operacionin për shuarjen e zjarrit pasditen e sotme, pasi zjarrfikëset dhe strukturat vendore të ndihmuar edhe nga banorët nuk mundën që të vendosin flakët nën kontroll me mjete rrethanore.
Zjarri ka djegur disa hektarë pyll, por kurora e pishave nuk është prekur ende. Banesat nuk kanë qenë të rrezikuara.
Zjarrfikëset kanë mbërritur më herët në këtë zonë, por terreni i thepisur ka bërë që të mos i japin fund zjarrit.
g.kosovari
