Policia Rrugore e Tiranës gjatë natës mes të premtes dhe të shtunës, ka vijuar kontrollet në rrugë, me qëllim shmangien e aksidenteve.
Një djalë 29-vjeçar nga Durrësi, është kapur duke ecur në rrugët e Tiranës me 200 km/h.
“Papërgjegjshmëri në drejtim të automjetit. Nuk i ndalon policisë duke rrezikuar jetën e punonjësve të policisë, jetën e tij e të përdoruesve të rrugës, por kapet pas ndjekjes nga patrullat e qarkullimit. Një drejtues mjeti i përgjegjshëm të ndihmon të festosh dhe një ditë tjetër. Shpejtësia të nxit, por të vret”, thotë policia.
Po ashtu kontrollet me drage kanë vijuar në disa rrugë të kryeqytetit.
Në rrugën “Sulejman Delvina” u verifikua se shtetasi me iniciale E.D., 36 vjeç, drejtonte mjetin nën efektin e alkoolit në masën 0.91 mg/l
Duke bërë një apel për drejtuesit e mjeteve, Policia Rrugore e Tiranës thotë: “Kujtohuni gjithmonë – alkooli shkon në stomak, por turbullon kokën dhe një mjet drejtohet me kokë”.
