Një stuhi e fortë ka përfshirë gjatë natës Zvërnecin, duke shkaktuar dëme materiale. Mëngjesi i sotëm e ka gjetur bregun thuajse të shkatërruar. Burime për “Panorama” që kanë siguruar edhe fotot tregojnë se lokalet dhe objektet afër bregut janë shkatërruar, çadrat kanë fluturuar tej dhe varkat në breg janë spostuar me të paktën 100 metër.
Dëshmitarë tregojnë se era ka qenë me një shpejtësi të paimagjinueshme dhe gjithçka ka ndodhur vetëm në pak sekonda.
Çfarë la pas ajo që mund ta quajmë edhe si tornado e tregojnë këto foto./a.m.
