Puna në spitalin Rajonal Memorial të Fierit vijon në ditën e 68 të saj. Kryeministri Edi Rama ka shpërndarë pamje nga kantieri i ndërtimit ku duket se ka përfunduar ngritja e godinës dhe ka vijuar puna në ambientet e brendshme të saj.
Spitali i ri rajonal i Fierit po ndërtohet nga Turqia dhe Presidenti Erdogan premtoi se do ta ndërtojë atë për 3 muaj. Kryeministri Edi Rama ka deklaruar se spitali Memorial do të shërbejë si shembull i autonomisë spitalore.
Kreu i qeverisë është shprehur se fillimisht spitali do të menaxhohet nga staf turk, i cili do të sjellë në Shqipëri dijen dhe informacionet e nevojshme nga Turqia.
Më pas, spitali do të drejtohet nga shqiptarë.
/a.r
