Kryeministri Edi Rama ka sjellë ditën e sotme historinë e një gruaje nga Cërriku, e cila në takimin e mbajtur më 2 qershor, iu ankua për tre probleme që kishte.
Gruaja ngriti si problem të parë mos marrjen e tapisë së shtëpisë, duke thënë se pas regjistrimit në portalin ‘Shqiperiaqeduam.al’, mori zgjidhje.
Gjithashtu tha se i kanë humbur vitet e punës për pensionin, ku pas ankesës qytetarja shprehet se zgjidhja është në proces.
Ajo u ankua edhe për paketën e kontrollit shëndetësor chek up, duke shprehur si shqetësim se pap test dhe mamografia nuk janë të përfshira, por në këtë moment Rama iu përgjigj se çdo gjë është falas.
Në videon që gjeni më poshtë gruaja tregon se i bëri edhe kontrollet shëndetësore falas.
“Me këtë tjetër dëshmi nga plot si kjo që provojnë se fushata e llogaridhënies publike ishte një ndërveprim real me njerëzit e zakonshëm dhe për njerëzit e zakonshëm, në funksion të ndërtimit çdo ditë të koalicionit me ta për Shqipërinë që duam, përtej cinizmit, sharjeve e përqeshjeve të shumëkujt që e harron ku ishim dhe nuk do të shikojë se sa shumë kemi bërë e se sa shumë më tepër akoma duam e kemi mundësi të bëjmë së bashku, ju uroj një ditë të mbarë”, shkruan Rama.
Më tej në video Kryeministri thotë se “çdo njeri që të vjen përpara punonjësit të administratës mund të jetë personi që të shkarkon nga puna, nëse ti nuk bën punën”.
/a.m.
