Vazhdon dorëzimi vullnetarisht i armëve dhe municioneve në të gjithë vendin pas afatit që ka vendosur Ministria e Brendshme deri në 30 Prill 2017. Në komisariatet e policisë Lezhë dhe Mirditë janë dorëzuar dje armë të rënda e të lehta si dhe municion luftarak. Gjatë ditës së djeshme në Lezhë janë dorëzuar një mitraloz kundërajror, një kallashnikov, një pushkë, një 1120 fishekë luftarakë. Ndërsa në Berat janë dorëzuar nga tre qytetarë vullnetarisht një armë zjarri, 1540 fishekë luftarakë, 3 granata dore dhe 6 ndezës. Policia u bën thirrje të gjithë qytetarëve të cilët mbajnë dhe përdorin në mënyrë të paligjshme armë zjarri dhe materiale të tjera luftarake të bëjnë dorëzimin e tyre. /ma.me
VIDEO/ Çarmatimi vullnetar, “Mato Gruda” i Lezhës dorëzon mitralozin kundërajror dhe municionet
