Brazili u kualifikua për në gjysmëfinale të Copa America, pasi mundi 4-3 Paraguain në penallti, duke qenë se koha e rregullt dhe shtesa u mbyll 0-0.
Skuadra e drejtuar nga Tite dominoi në lojë dhe raste për 90 minuta, por Paraguai arriti të mbrohej mirë deri në fund.
Raste dhe mundësi shënimi krijoi Brazili pa fund, por të gjithë u treguan të pasaktë në finalizim.
Minuta 55’ e pjesës së dytë ishte vendimtare. Balbuena pengon Firminon, i cili po bëhej gati të godiste dhe arbitri akordon penallti. Me ndërhyrjen e VAR, penalltia u anulua dhe u akordua faull jashtë zone dhe karton i kuq për mbrojtësin e Paraguait, që luajti për 65 minuta më pak.
Në këtë ndeshje debutoi edhe Lucas Paqueta, që zuri vendin e Dani Alves në minutën 85’.
Në kohën shtesë rezultati mbeti i pandryshuar dhe skuadrat iu drejtuan “ruletës ruse”.
Paraguai humbi penalltinë e parë, ndërsa në vijim shënoi Willian, Marquinhos dhe Coutinho për Brazilin. Ndërkohë që Firmino u tregua i pasaktë, por në fund ishte Gabriel Jesus që shënoi golin e kualifikimit.
Brazili pret të mësojë kundërshtarin e gjysmëfinales, që do të përcaktohet nga ndeshja Venezuelë-Argjentinë, sot në orën 21:00.
g.kosovari
