Dy Fadromat e IKMT kanë rrafshuar plotësisht resortin e Mihal Kokëdhimës në Porto Palermo.
Familjarët e Kokëdhimës janë lajmëruar që mbrëmë nga IKMT dhe kanë mundur të nxjerrin materialet jashtë pa bërë rezistencë.
Ndërkohë IKMT do të vijoi punimet për të larguar inertet e resort ‘Panorma’ në mënyrë që bregu i detit të jetë i pastër dhe i lirë për pushuesit.
Punonjësve i janë dashur mbi tre orë punë për të shkulur betonin që ishte përdorur për të ndërtuar lokalin dhe hotelin e Mihalit, që u bë i famshëm, pas një incidenti me një grup turistësh spanjollë, që shkuan atje për të drekuar, por më pas u larguan, pasi vunë re, se shërbimi nuk ishte i duhuri.
Tashmë vija bregdetare do të përfshihet në një aksion për prishjen e ndërtimeve pa leje. Gjithashti bëhet e ditur, se pa shembjes do të ketë një tjetër ndërhyrje për të hequr sa më shpejt mbetjet inerte dhe vënien në funksion të hapësirës së plazhit për turistët, jo më përkundrejt pagesës.
g.kosovari
