Një automjet i llojit Benz është përfshirë në një aksident mesditën e kësaj të diele në Vlorë. Raportohet se duke qarkulluar me shpejtësi të lartë përgjatë aksit Transballkanike në afërsi të paraburgimit të Vlorës mjeti ka rrëshqitur duke dalë në trafikndarëse.
Mjeti me shpejtësi në kthesë ka tentuar të frenojë, por për shkak të lagështisë në rrugë nuk ka mundur, duke përfunduar në drejtimin e kundërt të trafikndarëses. Ai ka goditur shtyllën e cila është rrëzuar përtokë, por fatmirësisht pa pasoja në njerëz, pasi aksi është tepër i frekuentuar në këtë orar të ditës.
Si pasojë e aksidentit ka dëme të shumta materiale, ndërsa drejtuesi i mjetit i cili udhëtonte në ato momente vetëm, nuk ka pësuar lëndime.
