Belgjika ka marrë një fitore bindëse 5-1 kundër Islandës në raundin e dytë të Nations League.
Një fitore kjo që i ka dhënë belgëve kryesimin e Grupit 2 të Ligës A.
Ndeshja ka filluar me një gol të miqve në minutën e 11-të, por vendasit kanë arritur ta përmbysin rezultatin që në pjesën e parë me Witsel dhe Batshuayi-n.
Mertens, përsëri Batshuay dhe Doku kanë qenë autorët e golave të shënuar në pjesën e dytë.
Pas tyre renditet Anglia, që nuk ka arritur të shkojë më larg se një barazim pa gola në fushën e Danimarkës.
Portugezët kanë mundur 2-0 Suedinë falë një dygolëshi magjik të Cristiano Ronaldo-s.
Ylli portugez është bërë lojtari i vetëm në historinë e futbollit që realizon 100 ose më shumë gola për kombëtaren e një vendi europian.
Suedezët kanë luajtur me një lojtar më pak nga minuta e 44-t pas kartonit të dytë verdhë të marrë nga Svensson.
Ndërkohë Francë-Kroaci, një përsëritje e finales së Botërorit 2018, është mbyllur me një fitore 4-2 të francezëve, ashtu siç ka ndodhur dy vite më parë në Rusi.
Kanë qenë kroatët që kanë kaluar në avantazh me Lovren në minutën e 17-të. Gjelat janë kundërpërgjigjur me dy gola të shpejtë në fundin e pjesës së parë.
Griezmann ka barazuar fillimisht për kampionët e botës dhe Livakovic i ka dhuruar avantazhin Francës me një autogol të pafat.
Kroatët nuk janë dorëzuar dhe kanë gjetur golin e barazimit në fillimin e pjesës së dytë me Brekalo , por Gjelat kanë arritur të sigurojnë tri pikët falë golit të Upamecano-s dhe penalltisë së Giroud.
g.kosovari
