Lionel Messi mungon sërish, por Barcelona nuk e ndal hapin drejt kreut. Kampionët në fuqi të La Liga vuajtën për pak momente mungesën e “pleshtit” argjentinas për të “thyer”, Getafen, por golat e Suarez e Junior vendosen fatet e takimit.
Rezultati final u siglos në 2-0 dhe ishte pikërisht uruguajani ai që zhbllokoi shifrat. Kur po kronometrohej minuta e 41-të, Suarez mori një top pas shpisës së mbrojtësve miq nga Ter Stegen dhe duke shfrytëzuar daljen e portierit lëshoi një parabël për të tundur rrjetën. Me rikthimin në fushë, ishte radha e të riut të talentuar, Junior për të shënuar.
Mbrojtësi nuhati shumë mirë një devijim të pafat të portierit Soria dhe shënoi për 2-0. Kjo fitore e ngjit Barcelonën në vendin e dytë në kuotën e 13 pikëve pas 7 javëve të para, një më pak se Reali që luan në mbrëmjen kundër Atletico Madrid. Ndërkaq, Getafe mban vendin e 11-të me 7 pikë.
g.kosovari
