Është skandaloze veç ta mendosh e jo më ta bësh! Pesë huliganë të skuadrës greke të Olimpiakosit të Pireut, kanë masakruar me grushte dhe thikë një tifoze femër, faji i vetëm i së cilës ishte të qenurit tifoze e Panathinaikosit!
Ngjarjen e raporton sajti grek “Newsbomb”, që ka shpërndarë një video, ku shihen tifozët meshkuj të rrahin pa mëshirë tifozen femër dhe të vijojnë ta godasin dhe kur ajo është e shtrirë në tokë dhe ka humbur ndjenjat. Një nga tifozët ka thikë në dorë dhe shikohet të ulet e të godasë tifozen e Panathinaikosit, e cila ulëret nga dhimbjet derisa qëndron e palëvizur në tokë. Ajo është plaçkitur nga huliganët, ndërsa nuk ka informacion as për gjendjen e tifozes së masakruar dhe as për agresorët.
