Mario Balotelli mbetet i njëjti. Sulmuesi italian u përfshi në një debat me trajnerin Montella, menjëherë pas ndeshjes Adana-Umraniye dhe vetëm ndërhyrja e stafit shmangu një përplasje fizike mes të dyve.
Sulmuesi italian u aktivizua në pjesën e dytë të ndeshjes, që u fitua me rezultatin minimal 1-0 nga Adana. Teksa trajneri Montella po përshëndetej me arbitrat, mesa duket Balotelli ka folur diçka, që e ka acaruar pa masë bashkatdhetarin e tij italian, i cili nuk e ka përmbajtur veten, por ka dashur ta zgjidhë në fushë konfliktin me Balotellin ‘e zakonshëm’.
Vetëm ndërhyrja e stafit shmangu degradimin e situates dhe shmangu një konflikt të mundshëm fizik midis dy italianëve, ku natyrisht ai që i hodhi benzinë zjarrit ishte 32-vjeçari Balotelli.
