Tre ditë pas atentatit te Komuna e Parisit në Tiranë, ku mbeti i plagosur Mariglen (Lorenc) Hoxha, policia ka arrestuar 4 autorët në qytetin e Vlorës dhe ka publikuar videon e plote te atentatit dhe te momentit te arrestimit te autoreve.
Të arrestuarit janë Dejvis Rrustemaj 27 vjeç, i cili qëlloi me armë zjarri ndaj Hoxhës dhe bashkëpunëtorët Klajdi Kodra 27 vjeç nga Tirana, Igler Qose 26 vjeç nga Bulqiza dhe Ardit Xheferri 31 vjeç nga Tirana.
Rrustemaj në kryqëzim te Komuna e Parisit ka zbritur nga makina tip BMW dhe është drejtuar për në makinën tip BENZ të Hoxhës duke hapur derën dhe qëlluar në drejtim të tij.
Hoxha ka manovruar me shpejtësi duke u larguar, ndërsa Dejvis Rrustemaj më pas hipën në makinë e tij duke vijuar ndjekjen.
Pas ngjarjes autori i atentatit dhe bashkëpunëtorët janë larguar në drejtim të Vlorës për t’u fshehur, por janë vendosur në pranga nga policia pas daljes së pamjeve të atentatit.
Autorët janë arrestuar në gjumë në Vlorë në një hotel, ndërsa vijojnë hetimet për mënyrë sesi u larguan nga Tiranë në drejtim të Jugut të vendit me të njëjtin mjet pa u ndaluar nga asnjë postbllok.
Gjithashtu gjatë operacionit autorëve iu sekuestrua makina tip BMW me të cilën u krye atentati dhe disa telefona të autorëve.
Autori i atentatit me precedent, i shpëtoi vrasjes para 3 muajve
Autori i atentatit ndaj Lorenc Hoxhës, Dejvis Rrustemaj është një emër i njohur për Policinë e Tiranës, pasi para 3 muajve i ka shpëtuar një atentati me armë zjarri në kryeqytet pranë një xhamie, në rrugën “Xhanfize Koko”, pranë Kinostudios.
Ai u qëllua me armë zjarri nga dy persona që po lëviznin me motor, por arriti që të shpëtonte, pasi plumbat e kapën në këmbë.
Dejvis Rrustemaj nga Tropoja, banues në Tiranë ka gënjyer punonjësin e policisë në spital duke dhënë emër dhe moshë tjetër pas atentatit që iu bë, ndërsa ka qenë i dënuar për “Vjedhje me dhunë në bashkëpunim”, “Kanosje”, “Prodhim dhe mbajtje pa leje të armëve luftarake dhe municionit” dhe “Plagosje e rëndë me dashje e kryer në bashkëpunim”.
Bashkëpunëtori, djali i nënkampiones së qitjes, ka plagosur 4 vetë
Përpos autorit edhe bashkëpunëtori i atentatorit Klajdi Kodra është me precedent penal për 4 plagosje me armë zjarri dhe vepra të tjera penale.
Klajdi Kodra, djali i nënkampiones së qitjes Lindita Kodra, u arrestua për bashkëpunim në atentatin ndaj Lorenc Hoxhës, të cilin e qëlloi me armë zjarri Dejvis Rrustemaj.
Klajdi Kodra në 8 tetor 2013 iu bë një atentat, por shpëtoi, në 3 gusht 2016 tentoi që të vriste Flamur Cullhajn, është arrestuar në 14 shtator 2016 për goditje të policit dhe armëmbajtje, ndërsa në dosjen e tij janë edhe disa vepra të tjera për të cilat është dënuar.
HETIMET
Sektori për Hetimin e Krimeve të Rënda ndaj Jetës në Drejtorinë Vendore të Policisë Tiranë, në bashkëpunim me Prokurorinë e Rrethit Gjyqësor Tiranë në sajë të një hetimi të mirëfilltë disa ditor, me metoda speciale të hetimit bënë të mundur zbardhjen dhe dokumentimin me prova ligjore të tentativës së vrasjes të ndodhur më datën 03.08.2017 në rrugën “Sulejman Delvina” te Komuna e Parisit, Tiranë.
Falë këtyre veprimeve të shpejta e profesionale u bë e mundur lokalizimi i personave të përfshirë në këtë ngjarje.
Mbi bazën e punës dhe provave të grumbulluara, Sektori Kundër krimeve të Rënda ndaj jetës në bashkëpunim me Sektorin e Forcës së Posaçme Operacionale dhe Drejtorinë Vendore të Policisë Vlorë, nën drejtimin e Prokurorisë së Rrethit Gjyqësor Tiranë, organizuan dhe zjvilluan operacionin policor të koduar “Poker”, ku u bë arrestimi i shtetasve të mëposhtëm, të cilët fshiheshin në qytetin e Vlorës dhe konkretisht:
– Dejvis Rrustemaj, (në rolin e ekzekutorit), 27 vjeç, banues në Tiranë.
– Klajdi Kodra, (në rolin e bashkëpuntorit), 27 vjeç, banues në Tiranë.
– Igler Qose, (në rolin e bashkëpunëtorit) 26 vjeç, banues në Bulqizë.
– Ardit Xheferri, (përkrahës i autorit të krimit), 31 vjeç, banues në Tiranë.
Arrestimi i këtyre shtetasve është bërë i mundur pasi:
Më datë datë 03.08.2017, rreth orës 19:40, në rrugën “Sulejman Delvina”, shtetasi Dejvis Rrustemaj, duke lëvizur me mjetin tip “BMW X5”, së bashku me shtetasit Klajdi Kodra, dhe Igler Qose, për shkak të një konflikti për motive të dobëta ka qëlluar me armë zjarri në drejtim të mjetit tip “Benz”, ku ka mbetur i plagosur në shpatull, shtetasi Mariglen Hoxha, 25 vjeç, i njohur ndryshe si Lorenc Hoxha, jashtë rrezikut për jetën.
a.ç
