Policia e Vlorës ka ushtruar kontrolle për kapjen e personave që posedojnë armë pa leje, ata me precedentë penalë apo që posedojnë lëndë narkotike.
Finalizohet operacioni ”Stoeger”, ku janë sekuestruar armë, municione luftarake dhe lëndë narkotike.
Në territorin e Selenicës është zhvilluar një operacion, ku si rezultat është arrestuar në flagrancë shtetasi me inicialet I.M, 58 vjeç, banues në Hysoverdhë, Vlorë.
Në bazë të informacioneve të siguruara nga Strukturat Policore, gjatë kontrollit të ushtruar në banesën e shtetasit të lartpërmendur u gjetën dhe u sekuestruan në cilësinë e provave materiale:
2 armë zjarri automatik model 56
1 armë gjahu teke,
121 fishekë luftarakë
447 copë fishekë për pistoletë TT M-54,
12 copë fishekë për armë gjahu
11.5 kilogramë lëndë narkotike Cannabis Sativa.
Materialet hetimore iu referuan Prokurorisë së Rrethit Gjyqësor Vlorë, ndaj këtij shtetasi për veprat penale “Prodhimi dhe mbajtja pa leje e armëve luftarake dhe e municionit”, “Prodhimi dhe mbajtja pa leje e armëve të gjuetisë dhe sportive”, dhe “Prodhimi dhe shitja e narkotikëve”, të parashikuara nga nenet 278/3, 280, 283/1, të Kodit Penal.
