Argjentina bind çdo ndeshje e më shumë. Të besuarit e Lionel Scalonit kanë mposhtur Brazilin 0-1 në miqësoren e luajtur në Arabinë Saudite, ku ka mjaftuar një gol i Leo Messit në minutën e 13-të.
Pavarësisht se fitorja ishte minimale, Argjentina ishte bindëse në lojën e saj dhe e dominoi thuajse të gjithë takimin, sa i përket rasteve për gol. Brazili nga ana tjetër, pati një shans të artë në fillim të takimit, por Gabriel Jesus gaboi nga pika e bardhë e penalltisë në minutën e nëntë.
Atë që nuk e bëri Jesus, e bëri Messi, i cili edhe pse gaboi nga 11-metërshi, shënoi pas topit të kthyer nga portieri Alisson. Pjesa e parë u mbyll mes përpjekjeve të Brazilit, ndërsa në fraksionin e dytë, Argjentina administroi gjithçka në mënyrë perfekte.
g.kosovari
