Janë zhvilluar në mëngjesin e sotëm edhe dy takimet e fundit në grupin A të “Copa America”, event që sikur dihet është duke u zhvilluar në Brazil.
Në “Arena Pantanal” të Cuiaba, “celestët” e udhëhequr nga Lionel Messi shpartalluan Bolivinë, të cilën e mundën me rezultatin 4-1. Gomez (6’) çeli serinë e golave, për ta vazhduar “Pleshti” Messi me një dopiedë. Fillimisht në minutën e 33-të nga pika e penalltisë, për ta çuar në 3-0 rezultatin për Argjentinën në minutën e 42-të. Saavedra në të 60-tën ngushtoi epërsinë në 3-1, ndërkohë që Martinez në 65-tën fikson fitoren 4-1 ndaj Bolivisë, skuadra më e dobët e grupit.
Ndërkohë, në “Estadio Olimpico Nilton Santos” të Rio de Janeiros, Uruguaji fitoi me rezultatin e ngushtë 1-0 ndaj Paraguajit, pas një loje tepër të luftuar. Autori i golit të fitores ishte Edison Cavani, i cili në minutën 21-të realizoi nga pika e penalltisë. Në vijim uruguajanët ia arritën ta menaxhonin ndeshjen dhe merrnin 3 pikë tepër të vlefshme për renditen e grupit.
g.kosovari
