Policia e Tiranës arrestoi në flagrancë mbrëmjen e djeshme shtetasin Ilir Lelo 45-vjeç, i cili pasi grabiti një kazion, tentoi grabitjen e një tjetër pike lojrash fati. Uniformat blu që i ishin vënë në ndjekje e prangosën teksa po tentonte grabitjen e dytë.
Shërbimet e Policisë kanë marrë informacion se autori i dyshuar po tenton të grabisë nën kërcënimin e armës një pikë tjetër në afërsi të Komisariatit të Policisë nr 3.
Falë ndërhyrjes në kohë të shërbimeve të Policisë të Komisariatit të Policisë nr 3 u bë kapja në flagrancë brenda në Kazino e autorit në tentativë për të realizuar grabitjen e dytë.
Në cilësinë e provës materiale është sekuestruar një armë zjarri tip pistoletë model 54 i tipit TT
Specialistët e Policisë po punojnë nëse është dhe autori i grabitjes tek rruga e Elbasanit
Materialet proceduriale do t’i kalojnë Prokurorisë pranë Gjykatës së Shkallës së Parë Tiranë për veprat penale “Vjedhje me armë”, “Prodhimi dhe mbajtje pa leje e armëve luftarake dhe municionit”.
Policia ka publikuar ditën e sotme edhe videon e grabitjes dhe të arrestimit./a.m.
