Një aksident rrugor ka ndodhur mesditën e kësaj të mërkure në rrugën “Jordan Misja” në kryeqytet. Një automjet ka përplasur tre persona, nënën dhe dy fëmijët e saj, teksa po tentonin të kalonin rrugën. Drejtuesi i mjetit është larguar nga vendngjarja, ndërsa policia është vënë në ndjekje të tij.
Tre të plagosurit janë përcjellë menjëherë drejt Spitalit të Traumës, ndërsa mësohet se gjendja e tyre shëndetësore është e rëndë. Pas pak Report Tv do të transmetojë pamjet ekskluzive nga aksidenti në rrugën “Jordan Misja”.
