Një aksident i rëndë ka ndodhur mëngjesin e sotëm në autostradën Tiranë-Durrës ku një automjet është përplasur me mbikalimin e këmbësorëve. Aksidenti ka ndodhur në kilometrin e 7 të autostradës, në vendin e quajtur “Kthesa e Kasharit”.
Siç shihet në fotot dhe videon e postuar nga JOQ, makina e tipit Golf ka pësuar dëmtime të rënda. Si pasojë thuhet se ka mbetur i plagosur rëndë drejtuesi i mjetit, i cili është transportuar me urgjencë për në spital.
Nuk dihet ende nëse kishte të tjerë pasagjerë në makinë.
Shkaqet e aksidentit janë të panjohura.
Një prej dëshmitarëve që ka qenë në vendngjarje shkruan për JOQ:
Aksidenti ndodhi sot në mëngjes. Shoferin e çuan në urgjencë me makinat e rastit. Kishte shumë gjakderdhje.”/a.m.
